Pêşgotina Kovarê

Silavên germ li we xwendevanên ezîz! Em gellek kêfxweş in ku ev kovar gihiştiye ber destê we û em hêvî dikin ku hûn ê ji xwendina vê kovarê kêfxweş bibin. Ji ber ku ev kovareke nû ye û xelk nas nake; em ê pêşî rave bikin bê ka em kî ne û ev çi kovar e.

Em xwendekarên kurd yên li Parîsê ne û em li vir, li paytexta Fransayê di zanîngehên fransî de dixwînin. Her yek ji me beşên cuda cuda dixwine: aborî, hiqûq, endezyarîya komputeran, derûnî, sînema, mîmarî, wêjeya îngilîzî, musiqî û hwd. Xwendekarên ku pêşîvanî kirine ku ev kovar derkeve, xwendekarên beşê kurdî ya zanîngeha INALCO’yê ne. 

 Zimanê kurdî li Parîsê, li zanîngeha Sorbonne’ê, di sala 1948an de ji bo yekem carê ketiye nav bernameya perwerdehiyê û ji wê salê vir ve, bi sedan kes bi xêra vî beşî, fêrî zimanê kurdî bûne. Kesayetên wek Kamûran Ali-Bedirxan û Abdurrehmen Qasimlo jî li Sorbonne’ê dersa kurdî dane û xwe bi xebatên zimanê kurdî ve girêdane. Ev şexsiyet her weha di dîroka Kurdistanê de jî wek rêvebir, wek pêşîvan rolên girîng lîstine û xwastine gelê xwe bigihînin Kurdistana azad. Ev xwendekar jî, bi van fikiran ve dest bi xebatên zimanê kurdî kirine û dixwazin ku zimanê Kurdî jî wekî her zimanê di dîroka gelê xwe de roleke girîng bilîze. 

Îro jî ji ber polîtikayên dewletên serdest, gellek Kurd hene ku ji zimanê xwe dûr ketine. Gellek Kurd hene ku pêserojeke di xwendina zimanê kurdî de nabînin, lê em û hemî Kurdên ku kedeke didin ji bo vî zimanî, em dizanin ku kurdî zimanekî zindî ye. Kurdî beriya her tistî zimanê dayika me ye. Di sedsaleke wiha ya globalîzasyonê de, kurdî nikare bibe bi tenê zimanekî axavtinê. Kurdî îro di her qadê de heye, çi medyayên wekî televizyon, wekî rojname an jî medyayên civakî bin, çi di warê wejeyê de.  Armanca me jî ew e ku, ev kovar bibe derfet  ji ciwanên Kurd  re  ku li Parîsê dijîn da ku bikaribin bi zimanê xwe zanistên xwe binivîsînin û bi xwendevanên kurd re parve bikin. 

Ji ber vê em wekî xwendekarên kurd hez dikin di zengînkirina kelepora kurdî ya zanistî û nûdem de, bi xwendin û zanyariyên xwe hewlekî bidin.  Di tekoşîna Kurd û Kurdistanê de gellek kovarên bi qîmet, bi keda xwendekar, mamoste û nivîskarên qedirbilind ve hatine amade kirin û ne hewce ye ku em di vî warî de kêmasiyek bibînin, da ku wê valahiyê bikin armanca xwe û vê kovarê. Heger em kêmasiyekê bigerin jî, ew kêmasî ne ya wan kovaran e ku heta niha bi çi zehmetî derketine, lê kemasî dê bibe kêmasiya me, heger em vê kovarê dernexin. 

Ji ber ku em xwendekarên beşên cûda cûda ne, hûn ê di vê hejmarê de  nivîsên cur bi cur; li ser « wêje û ziman / zanistên civakî / çand û huner / kurte-nuçe / teknolojî û her weha hînkera fransiyê jî peyda bikin û bi kêfxweşî bixwînin.

Ji Lijneya Kurd’Înalco’yê

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :